بعد ان شنت الفنانة شكران مرتجى هجوماً على الساخرين من مسلسل باب الحارة علقت الفنانة السورية فرح يوسف على تعليق شكران مؤكدة انها ليست ضد حكاية المسلسل بل ضد الطريقة المبالغ فيها بالتمثيل و قالت فرح: “هاد المسلسل عم ينعرض لكل الوطن العربي، صارت صورة السوري هيي عبارة عن باب الحارة ، بطريقة الكلام بالمفردات بالجقرة …. الخ “.
وأضافت فرح : “هاد الشي لمستو بكل مكان رحت عليه ، طالما المسلسل انشهر كل هالقد لازم يكون القائمين عالعمل أكثر مصداقية وأكثر انتباهاً للصورة اللي عم يصدروها عن دمشق ، لأنو صار واضح تماماً إلنا نحنا السوريين إنو المسلسل صار عبارة عن مادة تجارية بحتة بصرف النظر عن المضمون او الصورة العامة اللي كانت الغرض الأساسي للمسلسل ، انا ابداً مو ضد الحتوتة ولا القصص ، انا ضد المبالغة بطريقة التمثيل وعرض الواقع الشامي والانسان الشامي بهالطريقة ، كل الاحترام ست شكران “.