ردت ريما ابنة السيدة فيروز لأول مرة على موضوع الحكم القضائي الصادر بحق والدتها في أمريكا من خلال تعليق نشرته على صفحتها الخاصة عبر موقع فيسبوك وقالت: “ده فيلم أميركي – إسرائيلي طوييييييييييييييييييييييييل… إيييييييل ما ممكن يتفبرك ويصير إلا بأميركا!!! وبرضو بس تحضرو ما بتصدّقو ع قد ما واضح إنّو مفبرك وركيك… إيه وصار! إيه والله!”.
وتابعت ريما قائلة ً: “نحنا وعم نقدّم حفلات بأميركا سنة ٢٠٠٣ ظهر شخص فجأة ما منعرفو ولا بحياتنا شفناه وإدّعى إنّو معو وعد هوّي ياخد فيروز ع أميركا بحفلة!!! أَفندُم؟؟؟ وعد! من مين؟ وين؟ كيف؟ ليش؟؟ بموجب شو؟ من وين لوين!؟ إنت مين؟ ولا شي!! ربّك عليم.. وركّب من الكذبة قضيّة وكفّى الفيلم لحالو.. هوّي والأميركان طبعاً.. ”
وختمت قائلة: “ما بدّي فوت بتفاصيل ولا بدّي ساهم بالسكوبات.. ثقتي كبيرة بالقضاء اللبناني وحدو قادر يوضع حد لهل الإفتراء والإبتزاز والتشهير.. والله كبير”.
يُذكر أنّ جريدة “السفير” كانت قد كشفت سابقاً معلوماتٍ خاصة عن حكم قضائي صدر بحقّ السيدة اللبنانية فيروز يقضي بإلزامها دفع مبلغ 800 ألف دولار أميركي إضافة للفوائد والمصاريف وأنّ الحكم الصادر في أميركا عام 2009 ويتعلّق بحقوق مدنيّة وماليّة لثلاثة أشخاص هم لبنانيين وأميركي، وذلك بعد خلاف حول حفل فني ضخم أقامته السيدة فيروز بمقاطعة كونيتيكت.